Çinin "Tencent" internet şirkətinin qurucusu və rəhbəri Poni Ma kimi tanınan Ma Huatenq "Bloomberg Billionaires Index"ə görə Çinin ən varlı adamları reytinqinə başçılıq edir.
Valyuta.az xəbər verir ki, onun sərvəti 43,7 milyard dollar qiymətləndirilir.
Reytinqdə 2-ci yerdə 43,6 milyard dollar kapitala malik Çinin ən böyük butulka su istehsalçısı "Nongfu Spring"in sahibi Zonq Şanşan qərarlaşıb.
İlk üçlüyü sərvəti 43 milyard dollarla qiymətləndirilən "ByteDance Ltd" və "TikTok" tətbiqinin yaradıcısı Zanq Yiminq qapayır.
"DnF Mobile" və "Black Myth: Wukong" daxil olmaqla uğurlu video oyun buraxılışları sayəsində bu günə qədər "Tencent"in bazar dəyəri 28% artıb. Sonuncu klassik Çin epik "Qərbə Səyahət" əsərinə əsaslanan hərəkətli-rol oyunudur.
Paşa Məmmədli
