Bakıda piyada səkilərinin zəbt edilməsi davam edir. Səbail rayonu ərazisində Nigar Rəfibəyli küçəsində avtomobil yolu və piyada səkisi uzun müddətdir qeyri-rəsmi parklanma yeri kimi istifadə edilir. Ərazidə avtomobillərin parklanmasına nəzarət edən xüsusi işçilər də var.
Tribunainfo.az xəbər verir ki, avtomobil yolunun və səkinin zəbt edilməsi hesabına yaradılan parklanma yerinə bir müddət əvvəl şlaqbaum da qoyulmuşdu. Narazı sakinlər qanunsuz olaraq qoyulmuş şlauqbaumu haqlı olaraq sındırıblar. Ancaq ərazinin hələ də maşın parklanma yeri kimi istifadə edildiyi deyilir.
Sakinlər bildirib ki, hətta dəfələrlə aidiyyəti qurumlara problemlə bağlı müraciət ediblər. Heç bir tədbir görülmür və problem olduğu kimi də qalır.
Roman
