Samsung Galaxy M55s 5G-nin təqdimatı anons edilib

     Samsung şirkəti Galaxy M seriyasının yeni smartfonunun təqdimatını anons edib. Söhbət, Galaxy M55s 5G-dən gedir. Şirkətin vermiş olduğu məlumata əsasən bu yeni smartfon 23 sentyabr tarixində təqdim olunacaq. Samsung artıq təsdiqləyib ki, Galaxy M55s 5G smartfonu 120 Hz-lik təsvir yenilənməsinə sahib Full HD+ keyfiyyətli 6.7 düym ölçülü AMOLED ekranla təchiz olunacaq. Bununla yanaşı smartfon özündə 50 MP + 8 MP + 2 MP üçlü arxa kameranı və 50 MP-lik ön kameranı birləşdirəcək. Gözləntilərə əsasən smartfon Snapdragon 7 Gen 1 prosessoru vasitəsilə çalışacaq.