Sentyabrın 18-də Ağ Evdə keçirilən brifinq İspan İrsi Ayının başlanması münasibətilə qismən ispan dilində yayımlanıb.
“The Hill” xəbər verir ki , brifinq zamanı Ağ Ev koalisiyasının media direktoru Luisana Perez Fernandez ABŞ prezidenti Co Baydenin ölkənin Latino əhalisi ilə bağlı gördüyü tədbirlərdən danışıb.
Onun sözlərinə görə, hazırkı administrasiyanın siyasəti ABŞ-da ispanlar arasında işsizlik səviyyəsini azaldıb, dərmanların qiymətlərini aşağı salıb, həmçinin onlar üçün tibbi sığortanı genişləndirib.
Bundan əlavə, Fernandez administrasiyanın Latino kiçik biznesi sahəsində nailiyyətlərini vurğuladı.
Ağ Evin mətbuat katibi Karine Jean-Pierre əlavə etdi: “Biz İspan ailələrini və icmalarını dəstəkləmək öhdəliyimizi bir daha təsdiqləyirik və İspan İrs Ayının Amerika irsi olduğunu xatırlayaq”.
İspan İrsi Ayı sentyabrın 15-dən oktyabrın 15-dək davam edir.
Bundan əvvəl Texas məhkəməsi Amerika vətəndaşları ilə evli olan sənədsiz mühacirlərin ölkəni tərk etmədən qanuni status qazanmasına icazə verən Bayden proqramını dondurmuşdu.
Həmçinin Respublikaçılar Partiyasından ABŞ-ın vitse-prezidentliyinə namizəd Ceyms Devid Vens ABŞ-dan 1 milyon qeyri-qanuni miqrantın deportasiya edilməsini təklif edib.
Mənbə The Hill
