Bakıda 16 mərtəbəli binada yanğın başladı — FOTOLAR

Bakının Nərimanov rayonunda binada yanğın olub.

APA xəbər verir ki, yanğın Həsənoğlu küçəsində yerləşən on altı mərtəbəli binanın qarajında baş verib.

Məlumatla əlaqədar Fövqəladə Hallar Nazirliyinin (FHN) Dövlət Yanğından Mühafizə Xidmətinin texnika və qüvvələri əraziyə cəlb olunub.

Yanğınla əlaqədar bina sakinləri təxliyə ediliblər.

Məlumata görə, qarajda "Mercedes-Benz" markalı minik avtomobili yanıb.

Hazırda yanğının söndürülməsi istiqamətində iş aparılır.