Cənubi Koreyalı tədqiqatçılar, uçan alış-veriş arabası hazırlayıblar! (VİDEO)

     Standart alış-veriş arabaları ağır yükləri daşımaq üçün praktik olsa da, manevr etmə qabiliyyəti məhdud və iri ola bilər. Həmçinin pilləkən kimi maneələrin öhdəsindən gələ bilmirlər. Palletrone isə məhz bu nöqtədə işə düşür. Bir neçə rotorla havada asılı qala bilən Palletrone, mini dron kimi işləyir. İstifadəçilər alış-veriş arabasını adi bir araba kimi itələyə bilirlər və inteqrasiya edilmiş sensor texnologiyası sayəsində araba istifadəçini izləyir. Tədqiqatçılar tərəfindən yayımlanan videolarda Palletrone-un pilləkənlərdən asanlıqla enib-qalxdığı müşahidə edilib. Bu xüsusiyyət, alıcıların mağazanın müxtəlif mərtəbələrini lift və ya eskalator axtarmadan rahatca gəzməsinə imkan yarada bilər.     Ancaq Palletrone, hələ inkişaf mərhələsinin başlanğıcındadır. Hazırda olan prototip təxminən 3 kiloqram yük daşıya bilir. Əlbəttə ki, bu, standart market arabasının tutumundan xeyli azdır. Tədqiqat qrupu, tam hüquqlu alış-veriş səfərləri üçün daha güclü versiya üzərində işləyir. Əgər çəki tutumu kimi texniki çətinliklər aradan qaldırılsa, Palletrone gələcəyin ərzaq mağazasında inqilab yarada bilər. Yəni müştərilər ağır arabaları itələmək əvəzinə Palletrone ilə mağaza daxilində alış-veriş edə bilərlər. İnkişaf prosesi uğurla tamamlanarsa, Palletrone-un yaxın gələcəkdə marketlərdə istifadə olunacağı bildirilib.