"Collins" ingilis lüğəti 2024-cü ilin sözünü açıqlayıb. Bu, "brat” sözüdür. "Brat" sözü cəmiyyətin əhval-ruhiyyəsini maksimum əks etdirir və gözlənilmədən ABŞ prezidentliyinə namizəd Kamala Harrisin seçki kampaniyası ilə bağlıdır.
Qaynarinfo xəbər verir ki, 2024-cü ilin sözü "brat” "həyasız”, "üzlü” kimi tərcümə olunur.
"Brat” inamlı, müstəqil və hedonist davranışı təsvir edən bir sifətdir" sözün lüğət təsvirində deyilir.
"Güvənsizsiniz? Müəyyən bir səviyyəyə çatmadığınızı hiss edirsiniz? "Brat” (həyasız, üzlü) sözü tam olaraq düzgün düşüncəni ehtiva edir. İngilis dilində "brat” sözü "qeyri-adi münasibət", "canlı estetik" mənasını verə bilər və hətta Kamala Harrisin kampaniya şüarına çevrilib. "Kamala - həyasızdır” ifadəsi tez bir zamanda yayıldı (hətta əsl mənasının nə olduğunu dərhal anlamasanız belə)”, deyə lüğəti tərtib edənlərin izahatında bildirilir.
Onlar qeyd edirlər ki, "brat” sözü ilk dəfə pop müğənnisi Çarli XCX-in albomunun adı kimi ortaya çıxıb. Albomun adı dövrün ruhunu dəqiq əks etdirdi.
Nizami Bağırov
