Meta Korporasiyası ABŞ dövlət qurumlarına onun süni intellekt (AI) texnologiyasına əsaslanan modellərindən hərbi və milli təhlükəsizlik məqsədləri üçün istifadə etmək səlahiyyəti verib.
Ucnoqta.az xəbər verir ki, bu barədə şirkətin beynəlxalq əlaqələr üzrə prezidenti Nik Kleqin rəsmi saytında dərc olunmuş açıqlamasında deyilir.
Qeyd olunur ki, korporasiya tərəfindən hazırlanmış və Llama adlı açıq mənbəli süni intellekt modelləri ABŞ hakimiyyət orqanları ilə müdafiə və milli təhlükəsizlik sahəsində əməkdaşlıq edən bizneslər üçün də əlçatan olacaq.
Bu çərçivədə Meta artıq IBM, Lockheed Martin, Microsoft və Oracle daxil olmaqla texnologiya və müdafiə sektorlarında digər əsas oyunçularla işləyir.
Beləliklə, Oracle aviasiya texniki sənədlərini emal etmək üçün Llama-dan istifadə edir və Lockheed Martin də süni intellekt modelini öz işinə inteqrasiya edib.
Microsoft öz növbəsində bu texnologiyanı dövlət qurumları tərəfindən “məxfi məlumatların saxlanması üçün” istifadə etdiyi bulud xidmətlərində tətbiq edib.
Kleqin sözlərinə görə, şirkətin bu addımı açıq mənbəli AI modellərindən məsuliyyətli və etik istifadəni təşviq edir və AI liderliyi uğrunda qlobal yarışda ABŞ standartını təyin edir.
