Milli komandada yeni baş məşqçi

Danimarka yığmasının yeni baş məşqçisi müəyyənləşib. Bu vəzifəyə Brayan Rimer təyinat alıb.

46 yaşlı mütəxəssis yerli futbol federasiyası ilə müddəti 2026-cı ilin yayına qədər nəzərdə tutulan müqavilə imzalayıb. Xatırladaq ki, milli komandanın əvvəlki çalışdırıcısı Kasper Yulmann AÇ-2024-ün final mərhələsindən sonra vəzifəsindən istefa vermişdi. Son aylar baş məşqçi səlahiyyətlərini yerinə yetirən Lars Knudsen bundan sonra Rimerin köməkçisi olacaq.

Yeri gəlmişkən, Danimarka yığması hazırda Millətlər Liqasının A liqasının 4-cü qrupunda 4 oyuna 7 xalla İsaniyadan (10 xal) sonra 2-ci yerdədi. Bu qrupda çıxış edən Serbiya 4, İsveçrə isə 1 xal toplayıb.

• Federasiya
• Məşqçi
• Futbol
• Müqavilə
• Danimarka
• Istefa
• Kasper Yulmann
• Brayan Rimer