Bank hesabları borca görə BLOKLANDI 

Rusiyada məşhurlaşan bloger Hüseyn Həsənovun bank hesabları ölkənin vergi orqanları tərəfindən yenidən bloklanıb.

Bu barədə "Shot" teleqram kanalı məlumat yayıb.

Blogerin “Banda Foods” MMC-yə 800 min rubldan (13,7 min manatdan çox) çox borcu olduğu yazılıb.

Qeyd edək ki, Hüseynin vergi orqanlarına külli miqdarda borcu olması faktı ötən ayın əvvəlində bəlli olub. Daha sonra o, sosial media hesabında borcun əsas məbləğini verdiyini və tezliklə bütün cərimələri ödəyəcəyini açıqlayıb. Məlumata görə, bloger dövlətə 10 milyon rubldan az (189 min 846 manat) pul ödəyə bilib və 144,8 milyon rubl ( 3 milyon manata yaxın) borcu qalıb.//Lent.az