Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Bakının Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransına (COP29) hazır olduğuna dair paylaşım edib.
Bizim.Media xəbər verir ki, Prezidentin köməkçisi özünün “X” hesabında “Euronews”in bununla bağlı süjetini paylaşıb.
“Azərbaycan COP29-a ev sahibliyi etməyə tam hazırdır. “Euronews”in Bakıdan yeni reportajı”, - deyə H. Hacıyev qeyd edib.
Qeyd edək ki, BMT-nin İqlim Dəyişikliyi üzrə Çərçivə Konvensiyasının (COP29) Tərəflər Konfransının 29-cu sessiyası noyabrın 11-22 tarixlərində Azərbaycanda keçiriləcək. Bununla bağlı qərar ötən il dekabrın 11-də Dubayda keçirilən COP28 plenar iclasında qəbul edilib.
Azerbaijan is fully ready to host COP29. New reportage of @euronews from Baku //t.co/pugOK4Co2g#COP29 #COP29Azerbaijan
— Hikmet Hajiyev (@HikmetHajiyev) November 5, 2024
Bizim.Media
