Kürdəmirdəki qəzada xəsarət alanların kimliyi BİLİNDİ

Kürdəmirdə baş verən qəzada xəsarət alanların kimliyi bəlli olub.

Bizim.Media-nın Aran bürosu xəbər verir ki, bunlar 41 yaşlı Əlvan Cəfərov, 34 yaşlı Turan Mirzəyev, 2 yaşlı Nərmin Bədəlova, 33 yaşlı Əhməd Bədəlov, 3 yaşlı Səidə Bədəlova, 53 yaşlı Solmaz Rzayevadır.

Qeyd edək ki, Bakı-Qazax yolunun rayonun Qarabucaq kəndindən keçən hissəsində “Mercedes” markalı minik maşını Ucar istiqamətində hərəkətdə olarkən qarşıda hərəkətdə olan “Muravey”ə çırpılıb.

Nəticədə ümumilikdə 6 nəfər müxtəlif dərəcəli ağır bədən xəsarətləri alıb. Yaralılar dərhal təcili tibbi yardım maşınının köməyi ilə Kürdəmir Rayon Mərkəzi Xəstəxanasına aparılıb. Hazırda faktla bağlı araşdırma aparılır.

Bizim.Media, Aran bürosu

• Mercedes
• Kimlik
• Bakı-Qazax Yolu
• Kürdəmird
• Qəzada Xəsarət