"Ukrayna prezidenti Volodimir Zelenski və İran lideri Məsud Pezeşkian Donald Trampın seçkilərdə qalib gəlməsinin əsas uduzanları, Argentina prezidenti Xavyer Miley və Macarıstanın baş naziri Viktor Orban isə qalib olublar".
HİT.az xəbər verir ki, bunu "Bloomberg" yazıb.
Nəşr Trampın Ağ Evə qayıtmasının qalib və uduzanlarını sadalayıb. "Bloomberg" yazır ki, Orban Avropada Trampın qələbəsinə ən cəsarətli mərc edib və indi Macarıstanın baş naziri özünü qitədə Trampın adamı kimi təqdim edir. O ümid edir ki, respublikaçı ilə şəxsi əlaqələri onun Avropa İttifaqı daxilində mövqeyini gücləndirəcək.
Argentina prezidenti Miley də Trampın qələbəsinə mərc edib və ümid edir ki, Tramp hökuməti ölkə yeni bir razılaşma əldə etməyə çalışarkən Beynəlxalq Valyuta Fondunda tərəziləri Argentinanın xeyrinə çevirəcək.
Eyni zamanda Zelenski və Pezeşkian da məğlub olublar: "Zelenski Trampı təbrik edən ilk dünya liderlərindən biri idi, lakin bu, Kiyevdə Respublikaçıların qələbəsi ilə bağlı dərin narahatlığı gizlətmir. Ukrayna qorxur ki, Tramp Rusiya ilə sülh danışıqlarında torpaqdan imtina etmək və maliyyə və hərbi dəstəyi kəsmək üçün ona təzyiq göstərə bilər".
Qeyd edilir ki, İran hazırda Trampın başqa bir prezidentliyinin nəticələrinə məhəl qoymur, lakin Tehranın nüvə proqramı ilə bağlı diplomatiyaya gedən yolu kəsmək riski ilə üzləşir. "Bloomberg" xatırladır ki, Tramp sonuncu dəfə Ağ Evdə olarkən Tehrana “maksimum təzyiq” siyasəti yürüdürdü.
Samir
