Yaponiyanın “Nissan” avtomobil korporasiyası 2024-cü maliyyə ilinin birinci yarısında (2024-cü ilin aprelindən sentyabr ayına qədər) xalis mənfəətin 93,5% azalması fonunda dünya üzrə 9 min iş yerini ixtisar edəcək.
Yeniavaz.com xəbər verir ki, bu barədə hesabat şirkətin mətbuat konfransında təqdim olunub.
Hesabatdakı məlumatlardan göründüyü kimi, istehsalın ən azı 20% azalması gözlənilir.
Hesabat dövründə xalis mənfəət 19,2 milyard yen (təxminən 124,6 milyon dollar) təşkil edib ki, bu da ötən dövrlə müqayisədə 93,5% az olub.
Zəif göstəricinin əsas səbəblərindən biri Çində satışların 14,3% azalması olub ki, bu da Çin istehsalçılarının rəqabəti fonunda qlobal satışların 3,8% azalması ilə nəticələnib.
