Türkiyə Böyük Millət Məclisinin (TBMM) sədri Numan Kurtulmuş G20 Parlament Sədrləri Zirvəsi çərçivəsində Braziliyada İtaliya Deputatlar Palatasının sədri Lorenzo Fontana ilə görüşüb. Görüşdə Türkiyə ilə İtaliya arasındakı müsbət əlaqələrin parlamentlər tərəfindən dəstəklənməli olduğunu vurğulayaraq iki ölkə arasındakı ticarət həcminin 21 milyard dollardan 30 milyard dollara çatdırılması üçün işlərin əhəmiyyətinə diqqət çəkib.
Kurtulmuş Yaxın Şərq və Şimali Afrikadakı böhranların həlli üçün sülh perspektivinin vacibliyini qeyd edərək İsrailin Fələstin və Livandakı hücumlarının regional sülhü təhdid etdiyini ifadə edib və bu təcavüzkarlığın dayandırılmasında İtaliyanın təşəbbüs göstərməsinin faydalı olacağını bildirib. Numan Kurtulmuş Fontananı Türkiyəyə dəvət edib.
TBMM sədri həmçinin Braziliya Federal Senatının sədri Rodriqo Paçeko, Braziliya Deputatlar Palatasının sədri Artur Sezar Perera de Lira və Cənubi Koreya Milli Məclisinin sədri Vu Von-şik ilə də ayrı-ayrılıqda görüş keçirib.
