Avropa İttifaqının üzvləri və icmaya qoşulmağa namizəd ölkələr Ukrayna tərəfindən ərazilərin verilməsindən danışmağın mümkünlüyünü nəzərdən keçirmirlər.
NOCOMMENT.az xəbər verir ki, bu barədə Xorvatiyanın baş naziri Andrey Plenkoviç Aİ ölkələrinin Budapeştdə keçirilən qeyri-rəsmi sammitində bildirib.
Onun sözlərinə görə, Avropa ölkələri Ukraynaya “indiyə qədər olduğu kimi bütün mümkün aspektlərdə: siyasi, iqtisadi, humanitar və hərbi” dəstəyi davam etdirmək üçün “böyük öhdəliklərə” malikdir.
“Bununla bağlı qətiyyən heç nə dəyişmir və heç kim mövqe dəyişikliyi elan etmir… Heç kim Ukraynanın öz ərazilərindən imtina etməsindən danışmır”, – Xorvatiya Nazirlər Kabinetinin rəhbəri tədbirdən əvvəl deyib.
