Bakı vaxtı ilə saat 14:08-ə olan məlumata görə, bitkoinin qiyməti 3,49% artaraq əvvəlki tarixi maksimumu yeniləyib.
Yeniavaz.com “Binance” platformasına istinadla xəbər verir ki, bitkoinin qiyməti 82 min dolları keçərək 82 min 56 dollara çatıb.
Bakı vaxtı ilə saat 14:25-ə olan məlumata görə, bitkoinin artımı yavaşlayıb və 81 min 87 dollar (+3,23%) səviyyəsində olub.
Qeyd edək ki, Bitkoinin qiyməti ABŞ-də keçirilən prezident seçkilərindən sonra artımını sürətləndirib. 5 noyabrda kriptovalyutanın dəyəri 14 mart 2024-cü ildə müəyyən edilmiş tarixi maksimumu yeniləyərək, 73,778 min dolları keçib.
“Binance” kriptovalyuta birjasının baş direktoru Riçard Ten Britaniyanın “Financial Times” qəzetinə verdiyi şərhdə Donald Trampın ABŞ prezident seçkilərində qələbəsi ilə kriptovalyutalar üçün “qızıl dövrün” başladığını bildirib.
Xatırladaq ki, bitkoin blokçeyn texnologiyasına əsaslanan eyni adlı kriptovalyutanın mərkəzləşdirilməmiş sistemidir və sistemin iştirakçısı olan istənilən istifadəçi tərəfindən əldə edilə bilər. Bunun üçün yeni sistem blokları yaratmaq lazımdır.
