ABŞ-nin yeni seçilmiş Prezidenti Donald Tramp Pentaqonun rəhbəri vəzifəsinə amerikalı teleaparıcı və keçmiş hərbçi Pit Heqsetin namizədliyini irəli sürüb.
“Cebheinfo.az” xəbər verir ki, bu barədə Respublikaçılar Partiyasının keçid komandasının yaydığı bəyanatda deyilir:
“Müdafiə naziri vəzifəsinə Pit Heqsetin namizədliyimi elan etməkdən şərəf duyuram. Pit sərtdir, ağıllıdır və Amerikanı birinci yerə qoymağa inanır. Pitlə birlikdə Amerikanın düşmənləri biləcəklər ki, bizim ordumuz yenidən böyük olacaq”.
Heqsetin Prinston və Harvard universitetlərində təhsil aldığı qeyd edilir. O, müharibə veteranıdır, İraq və Əfqanıstanda hərbi xidmət keçib. Bundan əlavə, o, səkkiz il “Fox News”-da aparıcı kimi çalışıb. Heqset həm də bir neçə kitabın müəllifidir və iki veteran hüquqları təşkilatına rəhbərlik edib.
Tramp əmindir ki, o, yeni vəzifəsində ABŞ-nin güc yolu ilə sülhün bərqərar edilməsi siyasətini cəsarətlə və vətənpərvərliklə müdafiə edəcək.
Lloyd Ostin hazırda müdafiə naziri vəzifəsini tutur. Bundan əvvəl Amerika KİV-ləri Trampın Pentaqonun rəhbəri postuna amerikalı senator Tom Kottonu (Arkanzasdan), ABŞ-nin keçmiş dövlət katibi Mayk Pompeonu və ABŞ Nümayəndələr Palatasının üzvü Mayk Uolsu (Floridadan) rəhbər təyin edilməsi ehtimalından yazmışdı.
