“Biz Millətlər Liqasında mövsümü layiqli başa vurmaq istəyirik və bu səbəbdən Slovakiya ilə matç da çox vacibdir. Üstəlik, son vaxtlar daha güclü komandalara qarşı yaxşı nəticə əldə etmirik”.
İdmanxeber.az-ın məlumatına görə, bu sözləri Estoniya milli komandasının kapitanı Karol Mets Millətlər Liqası V turunun Qəbələdə Azərbaycan yığmasına qarşı keçirəcəkləri oyun barədə danışarkən deyib. O, daha sonra belə davam edib:
“Əsas diqqət Azərbaycanla oyuna yönəlib. Düzünü desək, bu, əsas görüşdü. Bu oyun C divizionunda qalmaq üçün böyük bir addım ola bilər”.
Azərbaycan – Estoniya oyunu noyabrın 16-da Qəbələ şəhər stadionunda keçiriləcək və görüşə saat 18:00-da start veriləcək.
