"Real" "Ayaks"ın 18 yaşlı müdafiəçisi Yorrell Hato ilə maraqlanır.
Publika.az xəbər verir ki, bu barədə "El Gol Digital" məlumat yayıb.
Mənbənin sözlərinə görə, "kral klubu" 18 yaşlı niderlandlı futbolçunu heyətinə qatmaq istəyir. Lakin madridlilər onun üçün 50 milyon avrodan artıq məbləğ ödəmək fikrində deyillər.
Qeyd edək ki, 2024/25 mövsümündə Yorrell Hato klub səviyyəsində 20 oyun keçirib, 3 qol vurub və 4 məhsuldar ötürmə edib. Ötən mövsüm futbolçu bir neçə matçda kapitan sarğısını taxaraq komandasını meydana çıxarıb. "Transfermarkt" portalı onun dəyərini 30 milyon avro qiymətləndirir.
