Krımın Cankoy rayonunda körpü uçub, iki nəfər xəsarət alıb.
Editor.az xəbər verir ki, bu barədə regional Səhiyyə Nazirliyinin mətbuat xidməti məlumat yayıb. Zərərçəkənlərdən biri ağır vəziyyətdə xəstəxanaya yerləşdirilib, digərinə isə yerindəcə həkimlər tərəfindən tibbi yardım göstərilib.
Qeyd edək ki, körpünün uçması çərşənbə günü baş verib. Hadisə Cankoy rayonunun İzumrudnoye və Maslovo kəndləri arasında baş verib. İstintaq Komitəsinin məlumatına görə, çökməyə səbəb həddindən artıq yüklənmiş yük furqonu ola bilər. Müstəntiqlər hadisənin başvermə şəraitini aydınlaşdırırlar
//Samir Qurbanov, Editor.az
