İspaniyanın “Barselona” klubu heyətini yeni hücumçu ilə gücləndirmək istəyir.
Msport.az xəbər verir ki, Kataloniya təmsilçisi gələn yay 37 yaşı tamam olacaq hücumçu Robert Levandovskiyə əvəzləyici axtarır.
İspaniya klubu artıq namizədlərini müəyyənləşdirməyə başlayıb. Kataloniyalılar üçün prioritet variant Erlinq Halandın “Mançester Siti”dən transferidi. Lakin klub çətin maliyyə vəziyyətinə görə norveçlidən imtina edə bilər.
Alternativ namizədlər isə “Sportinq”dən Viktor Qyökeres və “Ayntraxt”dan Omar Marmuşdu. “Barsa” skautları sonuncunu hücumun üç mövqeyində oynamağa qadir olan çox yönlü futbolçu kimi görürlər.
Qeyd edək ki, Robert Levandovskinin “Barselona” ilə müqaviləsi 2026-cı ilin yayına qədərdi.
