Kliniki depressiyadan əziyyət çəkən 22 yaşlı Leyden sakini evtanaziyaya qərar verib, lakin prosedur günü ondan imtina edib.
Ucnoqta.az xəbər verir ki, bnun hekayəsini NRC qəzeti izah edib.
Nəşr yazır ki, Romi adlı qızın psixi pozğunluğuna səbəb uşaqlıqda yaşadığı zorakılıq olub. 15 yaşında o, ilk dəfə psixiatriya klinikasında müalicə alıb, ona depressiya, iştahsızlıq və travma sonrası pozğunluq diaqnozu qoyulub.
Ancaq psixoterapiya və dərman müalicəsi Rominin vəziyyətinin yaxşılaşmasına səbəb olmayıb və bu fonda qız evtanaziya haqqında düşünməyə başladı.
Ancaq təyin olunmuş gündə - 19 iyun 2023-cü ildə Leiden Evtanaziya Mərkəzində olarkən Romi ölməmək qərarına gəlib.
Bundan sonra qızın psixi vəziyyəti yenidən pisləşib, lakin terapiya kursundan sonra davam etmək qərarının düzgünlüyünə əmin olub.
2024-cü ildə qız universitetdə təhsil almağa başlayıb və sonradan Afrikada uşaq xeyriyyəçilik sahəsində işləməyi planlaşdırır.
