Braziliyalı hücumçu Endrik "Real Madrid"dən ayrıla bilər.
90deqiqe.Az-ın “Super Deporte”yə istinadən məlumatına görə, Madrid klubu istedadlı braziliyalının mütəmadi olaraq meydana çıxacağı komandaya icarəyə verilməsi imkanını nəzərdən keçirir.
"Real Madrid"in keçmiş futbolçusu Ronaldonun sahib olduğu "Valyadolid" 18 yaşlı Endriklə maraqlanır. Futbolçu ilə bağlı artıq ilkin danışıqlara da başlanılıb.
"Valyadolid" hücumda problemlər yaşayır və güclənmək üçün fürsətlər axtarır.
Komanda hazırda La Liqa cədvəlində ikincidən sonuncu pillədə qərarlaşıb. 2024/2025 mövsümündə Endrik Real Madridin on oyununda iştirak edib, o, iki qol vurub və komanda yoldaşına bir məhsuldar ötürmə edib.
