Alman mətbuatının məlumatına görə, “Red Bull Racing” komandası Serxio Peresi komandadan qovmaq üçün heç bir hüquqi əsası yoxdur və Avstriya konserninin rəhbərliyi meksikalı sürücünün könüllü olaraq yarışı dayandırmaq üçün tələb etdiyi təzminatı ödəmək istəmir.
Futbolinfo.az xəbər verir ki, “Red Bull”un avtoidman məsləhətçisi Helmut Marko Serxio Peresin mövsümün son üç raundunda mübarizə aparacağını və yalnız Əbu-Dabidəki yarışdan sonra gələcəyi ilə bağlı qərar veriləcəyini təsdiqləyib.
“Red Bull” konserninin direktorlar şurası sürücüyə təzminat məbləğini ödəməyə hazır deyil. Üstəlik, Peresin nəticələrinə görə komanda Mühəndislər kubokunda birinci yerdən üçüncü yerə düşüb və mövsümün sonuna kimi vəziyyəti düzəltməsə, 40 milyon dollar itirəcək. Serxionun təzminatı ilə birlikdə Avstriya komandası üçün ümumi itkilər 60 milyon dollara qədər arta bilər.
Versiyalara görə, Peresin əvəzinə “Red Bull Racing” Franko Kolapintonu görmək istəyir. “Williams” komandası sürücüsünü 20 milyona buraxmağa hazırdır. Beləliklə, Peresi Kolapinto ilə əvəz etmək üçün bütün əməliyyat komandaya 80 milyon dollara başa gələ bilər.
