Rusiya bu ilin yanvar-sentyabr aylarında Türkiyədən 304 min ton sitrus meyvəsi alıb ki, bu rəqəm belə bir müddət üçün rekord həcm olub.
NOCOMMENT.az xəbər verir ki, RİA Novosti bu barədə Türkiyə Statistika Agentliyinə istinadən məlumat yayıb.
2023-cü ilin doqquz ayı ilə müqayisədə bu rəqəm 4,3% artıb.
Bu il Türkiyə sitrus meyvələrinin Rusiyaya ixracında ən çox diqqət çəkən məhsul naringi olub – onlar tədarükün 41%-ni təşkil edib. Həmçinin limonun 22 faizi, hibrid sitrus meyvələrinin 18 faizi, portağalın 10 faizi, qreypfrutun 8 faizi Rusiya Federasiyasına ixrac edilib.
Nəşr vurğulayır ki, Rusiya bu meyvələri Türkiyə tərəfdən ən çox alanlar arasında birinci yerdədir. Doqquz ayda Türkiyənin ümumi ixracatının 981,7 min tonunun üçdə biri Rusiya Federasiyasının payına düşüb.
