Bu gün günorta saatlarında Hacıqabul-Bəhrəmtəpə-Mincivan avtomobil yolunun Sabirabad rayon Şıxsalahlı kəndi ərazisindən keçən hissəsində zərcirvari yol-nəqliyyat hadisəsi baş verib.
“İki sahil” xəbər verir ki, yük avtomobili yanacaq daşıyan avtomobillə toqquşandan sonra əks istiqamətdə hərəkətdə olan və Azərpoçt MMC-yə məxsus avtomobilin qarşısına çıxıb. Nəticədə Azərpoçt MMC-yə məxsus maşının sürücü idarəetməni itirərək avtomobili aşırıb.
Qəza nəticəsində xəsarət alan olmasa da magistral yolda tıxac yaranıb. Təxminən 1 saata yaxın avtomobillərin hərəkəti qəza səbəbindən məhdudlaşıb.
Əraziyə yol patrul xidmətinin əməkdaşları cəlb olunub və hərəkət bərpa olunub.
Faktla bağlı araşdırma aparılır.
