AUKUS hərbi alyansına daxil olan Avstraliya, Böyük Britaniya və ABŞ Yaponiyanın təşkilata qoşulması imkanlarını nəzərdən keçirir.
“İki sahil” xəbər verir ki, bu barədə “Financial Times” (FT) məlumat yayıb.
Bildirilib ki, Vaşinqton, London və Kanberra aprelin 8-də danışıqları elan edəcək və Ağ Ev bu danışıqların Tokionun AUKUS-a qoşulmasına səbəb olacağına ümid edir. Müdafiə nazirlərinin danışıqlarında hipersəs silahları kimi sahələrdə əməkdaşlığı nəzərdə tutan tərəfdaşlığın ikinci sütunu müzakirə olunacaq. Nəşr qeyd edir ki, Avstraliyanın nüvə sualtı qayıqları alması ilə bağlı birinci komponentlə bağlı məsələ gündəliyə daxil edilməyib.
