Qətərin paytaxtı Dohadan İrlandiyanın paytaxtı Dublinə uçan “Qatar Airways”ə məxsus sərnişin təyyarəsi Türkiyə üzərində turbulentliyə məruz qalıb. Hadisə nəticəsində 12 nəfər yaralanıb.
Sfera.az xəbər verir ki, Qətər Hava Yollarına məxsus təyyarə Doha-Dublin reysini həyata keçirərkən Türkiyə hava məkanında turbulentliklə qarşılaşıb.
6 sərnişin və 6 ekipaj üzvü yaralanıb.
Hadisədən sonra təyyarə Dublin hava limanına eniş edib və yaralılara tibbi yardım göstərilib.
Xatırladaq ki, ötən həftə də Londondan Sinqapura uçan sərnişin təyyarəsində turbulentlik yaşanıb, bir sərnişin həlak olub.
Aysel
Sfera.az
