Putinin ən sevimli musiqisi

Yüksək səviyyəli qəbullarda iştirak edən Rusiya hərbi orkestrləri Rusiya prezidenti Vladimir Putinin sevimli əsəri olan "С чего начинается Родина" ("Vətən haradan başlayır") mahnısını ifa etməyə hər zaman hazırdır.

"Kanal14.az" Rusiya mətbuatına istinadən xəbər verir ki,  bu barədə Leninqrad Hərbi Dairəsinin Hərbi Orkestr Xidmətinin rəisi, polkovnik-leytenant Pavel Gernets məlumat verib.

O qeyd edib ki, bu Rusiya liderinin ən çox sevdiyi və dinlədiyi musiqidir. 

Qeyd edək ki,  Vladimir Putin Volfqanq Amadey Motsart və Pyotr Çaykovskinin musiqisinə sevgisini etiraf edib. Eyni zamanda o, Frans Şubertin bəstələrini də dinləməyi xoşladığını və ümumiyyətlə, fortepiano musiqisindən çox təsirləndiyini də bildirib.