Böyük Britaniyanın ən böyük hava limanı olan Hitrouda (Heathrow) sərhəd xidmətinin yüzlərlə əməkdaşı tətil elan edib.Tətil avqustun 31-dən sentyabrın 3-dək 4 gün olacaq. İşçilər iş şərtlərinin yaxşılaşdırılmasını tələb edərək, iş müqaviləsində razılaşdırılan vaxtdan artıq işləmək istəmədikləri üçün tətil etməyə qərar veriblər.
Tətil hava limanının ən işlək olduğu dövrlərindən biri, məktəblilərin yay tətilinin sona çatması ilə üst-üstə düşəcək. Bu da hava limanında saatlarla yubanmalara səbəb ola bilər.
