Azərbaycan Premyer Liqasının V turunda keçiriləcək “Turan Tovuz” – “Səbail” oyununun biletləri satışa çıxarılıb.
Msport.az xəbər verir ki, bu barədə bölgə təmsilçisinin mətbuat xidməti məlumat yayıb.
Biletləri bu gündən etibarən Tovuz şəhər stadionunun kassasından və şəhərin mərkəzində yerləşən satış məntəqəsindən əldə etmək mümkündür. Qeyd edək ki, 2 AZN-lik biletlərlə yanaşı məhdud sayda olan 5 AZN-lik VİP biletlər də satışdadır.
Oyun 30 avqust tarixində, saat 17:45-də Tovuz şəhər stadionunda baş tutacaq.
