İstanbulda “Rixos” Tərsanəsinin açılış mərasimindəki çıxışında ölkə başçısı bunları söyləyib: “Bizim səylərimiz nəticəsində İstanbul mədəniyyət və konqres turizmi baxımından dünyanın ən sevimli yerlərindən birinə çevrilib.
Hakimiyyətimiz dövründə turizmə strateji sahə kimi baxdıq və inqilabi addımlar atdıq.
2002-ci ildə Türkiyəyə gələn turistlərin sayı 13 milyon olduğu halda, 2023-cü ilin sonuna bu rəqəm 56 milyon 700 min nəfərə çatıb.
2023-cü ilin ilk 6 ayında 21,6 milyard dollar olan turizm gəlirimiz bu ilin eyni dövründə 9,3 faiz artaraq 23,7 milyard dollar olub.
2002-ci ildə 8,5 milyard dollardan miras qalan turizm gəlirlərimizi 2023-cü ildə 56 milyard dollar həddinə yüksəltdik.
2024-cü ilin sonuna kimi 60 milyard dollar turizm gəliri və 60 milyon turist hədəfimizi qoruyuruq”.
