VI çağırış Milli Məclisin deputatı, Qərbi Azərbaycan İcmasının sədr müavini Ramil Həsənin təşəbbüsü ilə yeni tədris ilinin başlanması münasibətilə Ucar rayonunun müxtəlif kəndlərində və rayon mərkəzində yaşayan həssas təbəqədən olan 50 nəfərə yaxın məktəbliyə içərisində məktəbli geyimi, ayaqqabı, məktəbli çantası və məktəb ləvazimatları olan bağlamaların verilməsinə başlanılıb. Eyni zamanda valideynlərlə görüşülüb, onların qaldırdıqları problemlər və narahatlıqlar dinlənilənilib.
Fürsətdən istifadə edərək, bu xoşməramlı təşəbbüsə qoşularaq dəstək verdiklərinə görə xoşniyyətli şəxslərə dərin təşəkkürlərimizi bildiririk.
Onu da qeyd edək ki, millət vəkili Ramil Həsənin təşəbbüsü ilə əlamətdar günlərdə müxtəlif formalarda aksiyalar keçirilir, şəhid və qazi, tənha və kimsəsiz, eyni zamanda aztəminatlı ailələrə mütamadi olaraq baş çəkilir, dəstək verilir, qaldırdıqları narahatlıqların həlli üçün qanuna müvafiq olaraq çalışılır.
Xoşməramlı aksiya 3 gün davam edəcək.
