Makronun arvadı “Netflix” serialında

Yayımlandı: 11 Sentyabr 2024 15:34 Serialın nümayişi sentyabrın 12-nə planlaşdırılır Fransa Prezidenti Emmanuel Makronun arvadı Bricit Makronun “Netflix” serialında çəkildiyi bildirilir. “The Guardian” yazır ki, Bricit Makron “Emily in Paris” serialının dördüncü mövsüm buraxılışında görünəcək. Serialın nümayişi sentyabrın 12-nə planlaşdırılır. Rejissor Darren Starın çəkdiyi “Netflix” serialı “Emily in Paris”, 2020-ci ilin oktyabrında yayımlanandan bəri müzakirə və tənqid obyektinə çevrilib. Serial aktrisa Lili Kollins tərəfindən canlandırılan Emily adlı gənc amerikalı qadının hekayəsindən bəhs edir. Emili marketinq firmasında işləmək üçün Parisə ezamiyyətə gedir. Qız şəhəri çox bəyənir, bloq yazmağa başlayır, burada öz həyatı, eləcə də amerikalılar və fransızlar arasında mədəni fərqlər haqqında danışır. Serial populyarlıq qazansa da, Parisdə moda və üslubu təsvir etmə tərzinə görə də tənqid olunub. Meydan TV