Koreya Respublikası, ABŞ və Yaponiyanın yüksək rütbəli rəsmiləri telefon danışığı zamanı sentyabrın 12-də KXDR-in raket buraxılışını pisləyiblər. Bu barədə Koreya Respublikasının Xarici İşlər Nazirliyi məlumat yayıb.
Bəyanatın verilməsində Cənubi Koreyadan Xarici İşlər Nazirliyinin Koreya yarımadası üzrə Siyasət Departamentinin rəhbəri Li Junq İl, ABŞ-dan - Dövlət Departamentinin KXDR üzrə xüsusi nümayəndəsinin müavini Set Beyli, Yaponiyadan isə nümayəndələr iştirak ediblər.
Seulun məlumatına görə, sentyabrın 12-də yerli vaxtla saat 07:10-da KXDR Pxenyan ərazisindən Yapon dənizinə doğru bir neçə qısa mənzilli ballistik raketlər buraxıb və bu raketlər təxminən 360 km uçub.
ABŞ, Cənubi Koreya və Yaponiyanın nümayəndələri öz qiymətləndirmələrini bölüşüblər və “əməkdaşlıq təkliflərini” müzakirə ediblər. Tərəflər raketin buraxılışını BMT Təhlükəsizlik Şurasının qətnamələrinin pozulması və Koreya yarımadasında “sülh və sabitliyə ciddi təhdid” kimi pisləyiblər. Onlar “KXDR-ABŞ müttəfiqliyinə əsaslanan Şimali Koreyanın təxribatlarına, eləcə də üçtərəfli təhlükəsizlik əməkdaşlığına qətiyyətlə qarşı çıxmaq” üçün koordinasiya etmək barədə razılığa gəliblər.
Oxuməni.az
