ABŞ dövlət katibi Entoni Blinkenin İlham Əliyevə zəngi Vaşinqtonun Bakı ilə İrəvan arasında sülh sazişinin qısa müddətdə, lap elə bu aylarda imzalanması marağından irəli gəlir.
Yenisabah.az xəbər verir ki, bunu politoloq Elxan Şahinoğlu qeyd edib.
Onun sözlərinə görə, Blinken tərəflər arasında növbəti görüş təşkil etməyi planlaşdırır: azal vakansiya
"Blinken Nyu-Yorkda işə başlayan Birləşmiş Millətlər Təşkilatının (BMT) Baş Assambleyasının sessiyasının növbəti günlərində Azərbaycan və Ermənistan xarici işlər nazirlərinin görüşünü təşkil etmək istəyir. Blinken oxşar görüşü ötən il də BMT sessiyası çərçivəsində təşkil etmişdi.
Vaşinqton Rusiya Prezidenti Vladimir Putinin avqust ayında Azərbaycana səfərindən sonra Moskvanın Zəngəzur dəhlizinə artan marağından narahat olub. Vaşinqton da bu dəhlizi dəstəkləyir, sadəcə nəqliyyat yolunun Rusiyanın nəzarətində olmasını istəmir. Rusiya hərbçilərinin Zəngəzur dəhlizinə nəzarət etməsi Azərbaycanla Ermənistanın da maraqlarına cavab vermir. Bütün hallarda Vaşinqton qısa müddətdə Azərbaycanla Ermənistan arasında sülh sazişinin imzalanmasını istəyirsə, İrəvanı Konstitusiyada zəruri dəyişiklik etməyə inandırmalıdır. Bu baş nazir Nikol Paşinyan üçün çətin addım olmamalıdır".
Telegram kanalımız
