Astarada yol qəzası olub.
APA-nın cənub bürosunun verdiyi məlumata görə, hadisə rayonun Ərçivan qəsəbəsi ərazisində baş verib. Hərəkətdə olan "VAZ-2106" markalı minik avtomobili "KamAZ" markalı yük avtomobilinə çırpılıb. Qəza nəticəsində "VAZ-2106"-da olan Astara rayon Səncərədi kənd sakini 2002-ci il təvəllüdlü Dinar Yaşar oğlu Hacızadə xəsarət alaraq Lənkəran rayon mərkəzi xəstəxanasının təcili yardım şöbəsinə hospitalizasiya olunub.
Ona tibbi yardım göstərilib.
Faktla bağlı araşdırma aparılır.
