“Qarabağ”ın UEFA Avropa Liqasının Liqa mərhələsindəki rəqiblərindən “Ayaks” Niderland çempionatında növbəti oyununu keçirib.
Fanat.Az xəbər verir ki, Amsterdam təmsilçisi Erediviziyada 3-cü turdan təxirə salınmış oyunda “Fortuna Sittard” ilə qarşılaşıb.
Amsterdamlıların rəqibini 5:0 hesablı darmadağınla yola saldığı matçda qolları Teylor, Traore, Baas, Renş və Akpom vurublar.
Bu nəticədən sonra “Ayaks” 5 turdan əldə etdiyi 6 xalla turnir cədvəlinin 7-ci pilləsində qərarlaşıb. Komandanın ehtiyatda daha iki oyunu var.
Qeyd edək ki, “Ayaks” “Qarabağ”ın AL-də evdəki ilk rəqibi olacaq. Komandalar arasında görüş oktyabrın 24-də baş tutacaq.
Niderland Erediviziyası
III turdan təxirə salınmış oyun
Ayaks – Fortuna Sittard 5:0
Qollar: K.Teylor, 9, B.Traore, 24, Y.Bass, 58, D.Renş, 71, Ç.Akpom, 87.
