Moldova Milli Ordusu Baş Qərargahının keçmiş rəisi İqor Qorqana qarşı dövlətə xəyanətdə ittiham irəli sürülüb. AFN.az xəbər verir ki, bu barədə Baş Prokurorluğun Cinayət və Xüsusi İşlərə Qarşı Mübarizə İdarəsinin mətbuat katibi Emil Qaytur yerli mediada məlumat verib.“Xüsusi İşlərə Qarşı Mübarizə Baş Prokurorluğunun elan etdiyi cinayət işində iştirak edən şəxsə təqsirləndirilən şəxs statusu verilib”, - deyə Emil Qaytur bildirib. Onun sözlərinə görə, Qorqan məhkəmənin qanuna uyğun olaraq yekun qərarı çıxana qədər təqsirsizlik prezumpsiyasından istifadə edir.2024-cü ilin iyununda Moldova Prezidenti Maya Sandu Qorqanın Rusiya kəşfiyyatı ilə iddia edilən əlaqələri haqqında məlumatın "The Insider" portalında dərc edilməsindən sonra onun mükafatlarından məhrum edilməsi haqqında fərman verib. Nəşr yazıb ki, Qorqan Rusiya kəşfiyyatını Teleqram kanalı vasitəsilə konstitusiyasında neytrallığı nəzərdə tutan Moldova ordusundan MİQ-29 qırıcıları, mərmi və digər silahlar almağa cəhd edən Ukrayna Müdafiə Nazirliyinin nümayəndələrinin səfərləri barədə məlumatlandırıb. Qorqan ona qarşı irəli sürülən ittihamları rədd edib və Sandunun dövlət mükafatlarından məhrum edilməsi haqqında fərmanından məhkəməyə müraciət edib.Öz növbəsində, Moldovanın İnformasiya və Təhlükəsizlik Xidməti "The Insider" portalının dərc etdiyi məlumatları təsdiqləyən bəyanat yayıb. Bundan sonra Moldova prokurorluğu Qorqana qarşı cinayət işi açıb. Lakin Qorqanı Baş Qərargah rəisi təyin edən Moldovanın keçmiş baş naziri Vladimir Filat onun bu əməli törətməsinə şübhə ilə yanaşıb və qeyd edib ki, Qorqanın bu vəzifəyə namizədliyi Moldova kəşfiyyatı tərəfindən təsdiqlənib.
