ABŞ 375 milyon dollar dəyərində gözlənilən hərbi yardım paketinin bir hissəsi olaraq F-16 üçün orta mənzilli idarə olunan bombaları Ukraynaya göndərməyi düşünür. Bu barədə Politico məlumat yayıb.
Joint Standoff Weapons (JSOW) kimi tanınan bu güclü və ağıllı bombalar artıq ABŞ Hərbi Hava Qüvvələri, Hərbi Dəniz Qüvvələri və müttəfiqləri tərəfindən istifadə olunur. O, ideal şəraitdə 130 kilometrdən çox məsafədəki hədəfləri vura bilir, 225 kq unitar və ya klaster döyüş başlıqları istifadə etmək qabiliyyətinə malikdir. Bu, Ukraynaya Rusiya qüvvələrinə zərbə endirməklə bağlı əlavə üstünlük verəcək.
Xatırladaq ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Son aylarda Rusiya yenidən döyüş meydanındakı vəziyyəti öz xeyrinə dəyişib. Amma Ukrayna qoşunlarının ilk dəfə olaraq Rusiya ərazisinə girib Kurskda xeyli ərazini zəbt etməsi müharibədə dönüş nöqtəsinə çevrilib.
Tural
