“İnanıram ki, Zelenski (Ukrayna Prezidenti Volodimir-red.) tarixin ən yaxşı alverçisidir. O, hər dəfə ölkəmizə (ABŞ-red.) gələndə 60 milyard dollarla çıxıb gedir”.
Yeniavaz.com xəbər verir ki, bu fikri Respublikaçılar Partiyasından prezidentliyə namizəd Donald Tramp tərəfdarlarının Pensilvaniyada keçirdiyi mitinqdə deyib.
Respublikaçı əlavə edib ki, Zelenski həqiqətən də demokratların prezident seçkilərində qalib gəlməsini istəyir, çünki o, onlardan maliyyə yardımı alır:
“Mən bunu fərqli edəcəyəm. Seçkidə qalib gəlsəm, ilk işim Zelenskiyə və Rusiya Prezidenti Vladimir Putinə zəng edib razılaşmağın vaxtının gəldiyini söyləmək olacaq”.
Qeyd edək ki, Zelenski ötən həftənin sonunda ABŞ-yə gəlib. ABŞ Prezidenti Co Bayden və ABŞ vitse-prezidenti Kamala Harris sentyabrın 26-da Vaşinqtonda Zelenski ilə görüşəcək.