Fransanın muxtar bölgəsi olan Yeni Kaledoniyada müstəqillik uğrunda mübarizə aparan yerli kanak xalqı mühüm addım atıb. Qəbilə başçıları birtərəfli qaydada öz ənənəvi torpaqları üzərində suverenlik elan etdilər.

Fransanın Sakit Okeandakı xarici ərazisi olan Yeni Kaledoniya Makron administrasiyasının müstəmləkəçilik siyasətinə müqavimət göstərir. Adanın Fransanın himayəsi altına girməsinin 171-ci ildönümündə mühüm addım atılıb. Yerli Kanak xalqının qəbilə liderləri adadakı ənənəvi torpaqları üzərində suverenliklərini elan etdilər.

Bunun üçün Mare adasında 3 günlük toplantı keçirilib. Nəhayət, müxtəlif Kanak qəbilə liderləri tərəfindən idarə olunan ənənəvi torpaqları əhatə edən bir çox bölgədə birtərəfli suverenlik elan edildi.

İndi Yeni Kaledoniyadakı ənənəvi senatın nümayəndə heyəti,
Onun 7-14 oktyabr tarixlərində Birləşmiş Millətlər Təşkilatının ABŞ-dakı mənzil-qərargahına səfəri gözlənilir.

Noyabrda suverenliyini elan etmiş bölgələrdə hansı ənənəvi idarəetmə modelinin irəli sürülə biləcəyi müzakirə olunacaq.

Yeni Kaledoniya 1946-cı ilə qədər Fransanın koloniyası idi. 2003-cü ildə konstitusiya dəyişikliyi nəticəsində Fransaya bağlı muxtar bölgəyə çevrildi. Adanın yerli xalqı Kanaks tam müstəqillik istəyir, lakin Fransa prezidenti Emmanuel Makron bu fikrə tamamilə qarşıdır.

Müstəqillik üsyanı may ayında alovlandı. Çünki Fransa Milli Məclisi 10 ildir adada yaşayan fransızlara səsvermə hüququ verən düzəlişi təsdiqləyib. Lakin islahatın qüvvəyə minməsi üçün Konqres tərəfindən qəbul edilməlidir.

Bölgədə sürətlə artan gərginlikdən sonra Makron mübahisəli islahat təşəbbüsünü dayandırıb.

aia.az
Tərcümə şöbəsi