İranın İsrailə yönəltdiyi hücumlar, uzun müddətdir Yaxın Şərqdə qaçınılmaz hesab edilən regional gərginliyin qızışmasına səbəb oldu.
Musavat.com xəbər verir ki, dünya mediası bu hadisəni yaxından izləyərək müxtəlif analizlər və proqnozlar ilə mövzuya diqqət yetirir.
Aşağıda, aparıcı qlobal media orqanlarının verdiyi xəbərlərin başlıqlarına və mövqelərinə dair geniş icmal təqdim olunur:
The Guardian: “İranın İsrailə hücumları uzun müddətdir gözlənilən regional münaqişənin qızışmasını göstərir”. Bu hücumlar Yaxın Şərqdəki gərginliklərin daha da dərinləşəcəyini vurğulayan dönüş nöqtəsi olaraq qəbul edilir.
New York Times: “Yaxın Şərqin müasir tarixində ən təhlükəli məqam gəlib çatıb”. İranın İsrailə qarşı ballistik raketlərlə başlatdığı münaqişənin, ABŞ və digər dövlətlərin də daxil olduğu genişmiqyaslı qarşıdurma ilə nəticələnə biləcəyini qeyd edir.
Daily Mail: “İranın İsrailə hücumu, onların münaqişəsinin ən dramatik anı və regionda mümkün hərtərəfli müharibə üçün katalizator”. Bu hücumlar Yaxın Şərqdə genişmiqyaslı bir müharibə təhlükəsi ilə bağlı narahatlıqları artırır.
Le Figaro: “Tehranın hərəkətləri münaqişədə dönüş nöqtəsi ola bilər”. İranın hücumlarının, Yaxın Şərqdəki güc balansını ciddi şəkildə dəyişə biləcəyini vurğulayır.
The Independent: “Yeni zərbələr İsrailin İrana radikal cavab verməmək seçimi ilə üz-üzə qoyur”. Hücumların xarakterinə görə, İsrailin strateji mövqeyini düşünərək münaqişəyə ölçülü yanaşa biləcəyi, lakin hər şeyin zamanla aydın olacağı bildirilir.
Əl-Qüds Əl-Ərəbi: “Hava Hücumundan Müdafiə sistemləri gücsüz qaldı – Qərbin texnologiyaları İran raketlərinə qarşı acizdir”. İrana qarşı tətbiq olunan HHM sistemlərinin bu hücumlar qarşısında effektiv olmadığı və bölgədəki müdafiə sistemlərinin yenidən dəyərləndirilməsinin vacibliyini vurğulayır.
Al Jazeera: “İranın ballistik raket hücumları regiondakı güc balansını dəyişə bilər”. Bu hücumların, yalnız İsrail üçün deyil, bölgədəki bütün qüvvələr üçün yeni bir təhlükə dalğası yarada biləcəyini bildirir.
Der Spiegel: “Müasir silahların uğursuzluğu – Qərbin müdafiə sistemlərinin böhranı”. İranın hücumları, Qərbin hava hücumundan müdafiə texnologiyalarının səmərəliliyini şübhə altına alır və bu sistemlərin yenidən qurulmasının zəruriliyini göstərir.
El País: “Yaxın Şərqdə yeni münaqişə dalğası qaçılmaz görünür”. İran və İsrail arasında baş verən bu münaqişənin, regionda yeni və uzunmüddətli bir qarşıdurmaya səbəb ola biləcəyini qeyd edir.
Musavat.com-a görə bu hücumlar, Yaxın Şərqdə hər an daha genişmiqyaslı müharibə təhlükəsinin baş verə biləcəyini göstərərək, dünya mediası tərəfindən diqqət mərkəzinə alınmışdır. Gələcəkdə İsrailin cavab addımları, regional güclərin mövqeləri və beynəlxalq reaksiyalar vəziyyəti daha da qəlizləşdirə bilər.
Musavat.com
