Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 9-cu turunun növbəti oyunları keçiriləcək.
Arena.az xəbər verir ki, birinci dövrənin sonuncu turunun ikinci oyun günündə iki qarşılaşma baş tutacaq.
“Səbail” doğma meydanda “Şamaxı” ilə münasibətlərinə aydınlıq gətirəcək. Ardıcıl dörd oyundur uduzan “dənizçilər” nəhayət bu oyunda dönüş yaratmaq arzusundadırlar. Bu mövsüm cəmi 1 qələbəsi və 1 heç-heçəsi olan Şahin Diniyevin komandası 4 xalla 9-cu pillədə qərarlaşıb. Yenidən elitaya qayıtmış “Şamaxı”nın işləri isə pis getmir. Əyalət təmsilçisi əvvəlki oyunlarında cəmi 1 məğlubiyyət alıb. Ayxan Abbasovun komandası 12 xalla 6-cıdır.
Bu, “Səbail”lə “Şamaxı”nın Premyer Liqada 24-cü görüşü olacaq. Əvvəlki 23 oyunda “dənizşilər” 8 qələbə qazanıblarsa, “Şamaxı” bunu 7 dəfə bacarıb. Qalan 8 görüş heç-heçə bitib.
Günün sonuncu oyunu “Sabah”la “Araz-Naxçıvan” arasında baş tutacaq. Ötən tur “Qarabağ”a uduzmuş “bayquşlar” həmin yenilginin qisasını almağa çalışacaqlar. Naxçıvan təmsilçisi isə ardıcıl 5-ci qələbəsini qazanmaq arzusundadır. “Araz-Naxçıvan” hazırda 16 xalla turnir cədvəlində 16 xalla 2-ci, “Sabah” isə 14 xalla 5-ci sırada qərarlaşıb.
“Sabah”la “Araz-Naxçıvan” daha öncə 4 oyunda qarşılaşıblar. Bakılılar 1, naxçıvanlılar 1 qələbə görüblər. “Sabah” son 2 görüşdə quru hesablı qələbə qazanıb. “Sabah”ın ev matçlarında 2 qol vurulub.
Premyer Liqa
9-cu tur
4 oktyabr
“Kəpəz” – “Neftçi” 4:3
Qollar: Orxan Əliyev, 24; 32. Mahamadu Ba, 41. Viktor Braqa, 48 – Ervin Koffi, 4. Ramil Şeydayev, 31. Ağadadaş Salyanski, 90+5.
Hakimlər: Rəşad Əhmədov, Vüsal Məmmədov, Zöhrab Abbasov, Əli Əliyev.
VAR: Nicat İsmayıllı.
AVAR: Teymur Teymurov.
Hakim-inspektor: Əmrah İbrahimov.
AFFA nümayəndəsi: Eldəniz Musayev.
Tovuz şəhər stadionu, 17:00.
5 oktyabr
“Səbail” – “Şamaxı”
Hakimlər: Əliyar Ağayev, Zeynal Zeynalov, Akif Əmirəli, Elvin Bayramov.
VAR: İnqilab Məmmədov.
AVAR: Namik Hüseynov.
Hakim-inspektor: İmanxan Sultani.
AFFA nümayəndəsi: Kifayət Mustafayeva.
“Bayıl Arena”, 17:00.
“Sabah” – “Araz-Naxçıvan”
Hakimlər: Cavid Cəlilov, Kamran Bayramov, Müslüm Əliyev, Rauf Allahverdiyev.
VAR: Rauf Cabbarov.
AVAR: Rəhman İmami.
Hakim-inspektor: Rəhim Həsənov.
AFFA nümayəndəsi: Zümrüd Ağayeva.
“Masazır Arena”, 19:30.
6 oktyabr
“Turan Tovuz” – “Zirə”
Hakimlər: Rəvan Həmzəzadə, Cəmil Quliyev, Şirmamed Mamedov, Əkbər Əhmədov.
VAR: İnqilab Məmmədov.
AVAR: Namik Hüseynov.
Hakim-inspektor: Babək Quliyev.
AFFA nümayəndəsi: Erkin Hüseynov.
Tovuz şəhər stadionu, 17:45.
“Sumqayıt” – “Qarabağ”
Hakimlər: Elçin Məsiyev, Elşad Abdullayev, Pərvin Talıbov, Kamran Əliyev.
VAR: Tural Qurbanov.
AVAR: Eyyub İbrahimov.
Hakim-inspektor: Asim Xudiyev.
AFFA nümayəndəsi: Azər Əsgərov.
Mehdi Hüseynzadə adına Sumqayıt şəhər stadionu, 20:00.
