İranda bütün aviareyslər növbəti xəbərdarlığa qədər ləğv edilib.
Bu barədə İRNA agentliyi İranın Mülki Aviasiya Təşkilatının nümayəndəsinə istinadən xəbər verir.
Qeyd olunur ki, uçuşlar bütün istiqamətlər üzrə ləğv edilib.
Xatırladaq ki, daha əvvəl yerli və xarici mətbuat Tehranda partlayış səslərinin eşidilməsi barədə xəbərlər yayıb. Sonra məlum olub ki, İsrail İrana iki dəfə hava zərbəsi endirib. İkinci zərbə Şiraz şəhərinə endirilib.
05:47
İranın paytaxtı Tehranın İmam Xomeyni adına Beynəlxalq Aeroportu və Mehrabad hava limanı tam ştatlı fəaliyyət göstərir.
Bu barədə İRNA agentliyi şəhər yaxınlığında baş verən partlayışlar fonunda məlumat yayıb.
Tehranda və onun ətrafında xilasedicilərin köməyini tələb edən hər hansı insidentlə bağlı sorğu olmayıb.
Qeyd edək ki, daha əvvəl yerli və xarici mətbuat Tehranda partlayış səslərinin eşidilməsi barədə xəbərlər yayıblar. Sonra məlum olub ki, İsrail İrana iki dəfə hava zərbəsi endirib. Ölən və ya xəsarət alanlar, dağıntılar barədə məlumatlar yoxdur.
