Azərbaycan Premyer Liqasının 12-ci turu çərçivəsində “Araz-Naxçıvan”la qarşılaşacaq “Neftçi”nin bir neçə futbolçusu sıradan çıxıb.
Arena.az bu barədə paytaxt klubunun mətbuat xidmətinə istinadən xəbər verir.
Belə ki, son məşqlərdə ağrılar hiss edən Alfa Konte və Rəhman Hacıyev zədə səbəbindən bugünkü oyunda meydana çıxa bilməyəcəklər. Rafael Quzzonun oynaması isə sual altındadır.
Xatırladaq ki, bir müddət əvvəl zədələnən Filip Ozobiç, Andre Şinyaşiki, Azər Salahlı və Mustafa Sek də “Araz-Naxçıvan”la oyunda komandalarına kömək edə bilməyəcəklər.
Sözügedən oyun bu gün “Neftçi Arena”da baş tutacaq. Qarşılaşmaya saat 20:30-da start veriləcək.
