Çin hakimiyyəti Pxenyan üzərində "təsir rıçaqlarını” itirdiyinə görə Rusiya və Şimali Koreyanın yaxınlaşmasından narazı ola bilər.
Qaynarinfo xəbər verir ki, bu barədə "The Economist” yerli analitiklərə istinadən yazır.
Nəşr qeyd edir ki, Çin rəsmiləri Şimali Koreya əsgərlərinin Rusiyaya göndərilməsi ilə bağlı birbaşa şərhlərdən yayınırlar, lakin "bağlı qapılar arxasında "Şimali Koreyanın hərəkətlərini şübhə altına ala bilərlər”.
"The Economist” yazır ki, Çin rəsmiləri Şimali Koreya lideri Kim Çen Inın uzun müddətdir ən böyük ticarət tərəfdaşı olan Çindən "daha az asılı olacağından” narahat ola bilərlər. Bundan əlavə, "Rusiyanın dəstəyindən ruhlanan Kim Cənubi Koreya ilə münasibətlərində daha da təxribatçı ola bilər" və onlar arasındakı münaqişə sərhədə yaxın Çin şəhərlərinə böyük təsir göstərməklə təhdid edə bilər, - qəzet qeyd edir.
Çin və Şimali Koreya rəsmi olaraq 2024-cü ili "dostluq ili” adlandırıblar və Çin rəsmiləri sıx əlaqələr saxladıqlarını israr edirlər. Bununla belə, "The Economist” qeyd edib ki, adətən ağır senzuraya məruz qalan Çin sosial mediasında böyük izləyiciləri olan bəzi istifadəçilər "Şimali Koreyanın öz hərəkətləri ilə Çinin maraqlarına zərər verib-vermədiyini soruşurlar”.
"Çinlilər Şimali Koreyaya təsirlərinin olmadığını söyləməyi sevirlər, lakin onlar öz təsirlərini qoruyurlar”, - Vaşinqtondakı analitik mərkəzdən Viktor Ça deyib. Onun sözlərinə görə, Çin vəziyyətə "nəzarəti itirib”.
Nizami Bağırov
