O, Rusiyanın vətəndaşlarından çoxsaylı müraciətlər aldığını, ABŞ-nin "uydurma ittihamlarla" onlara qarşı genişmiqyaslı təqib aparmasını qeyd edib. Yaroşenko bildirib ki, bu, yalnız bəzi hərəkətlərlə bağlı deyil, eyni zamanda ittihamlar irəli sürülür və sanksiyalar tətbiq olunur. "Bəzi şirkətlər, logistika sahəsində çalışan vətəndaşlarımız da təqiblərə məruz qalırlar", - deyə o vurğulayıb.
O, ABŞ-nin bəyəndiyi fəaliyyətlərdə iştirak edən ruslara Qərb və NATO ölkələrinə getməyi tövsiyə etmədiyini, bunun çox təhlükəli olacağını bildirib.
Xatırladaq ki, Yaroşenko ABŞ-də narkotik qaçaqmalçılığı ittihamı ilə 20 il azadlıqdan məhrum olunub. O, 10 il həbsdə qaldıqdan sonra, 27 aprel 2022-ci ildə ABŞ vətəndaşı Trevor Ridd ilə mübadilə edilərək Rusiyaya qaytarılıb.
Daha əvvəl, 29 oktyabr gecəsi Vaşinqton hava limanında ABŞ-də prezident seçkilərini işıqlandırmaq üçün gələn rus jurnalistlərin saxlanıldığı bildirilib. Rusiya Xarici İşlər Nazirliyi rusların saxlanılmasına reaksiya verəcəyini açıqlayıb. Kreml isə ABŞ-də rus jurnalistlərin saxlanılmasının KİV-in azadlığı prinsiplərinə zidd olduğunu bəyan edib.
