Xəbər verdiyimiz kimi, Azərbaycanda bir ailə övladına Atatürk adını qoyub. Bu, son 10 ildə Azərbaycanda Atatürk adı verilən ilk körpədir. Qeyd edək ki, Azərbaycanda rəsmi qurumlar uzun müddət yeni doğulan körpələrə Atatürk adınının qoyulmasını yasaqlamışdı. Ümumiyyətlə, 2014-cü ildən bəri buna icazə yox idi. Bu qadağa qeyri-rəsmi tətbiq olunurdu.
Nazirlər Kabineti yanında Terminologiya Komissiyası bunu onunla əsaslandırmışdı ki, Türkiyə hökuməti illər öncə Azərbaycan tərəfinə müraciət edəndən sonra bu adın verilməsinə qadağa qoyulub.
Qeyd edək ki, sözügedən məsələ Azərbaycan və Türkiyədə birmənalı qarşılanmayıb. Körpəyə bu adın qoyulmasının tərəfdarı olan da var, etiraz edən də...
Modern.az mövzu ilə bağlı Azərbaycan Atatürk Mərkəzinin direktoru Nizami Cəfərovla həmsöhbət olub.
O bildirib ki, Atatürk adının bir uşağa qoyulmasına münasibəti müsbətdir:
“Biz etiraz etsək də, etməsək də bu ad qoyula bilər və qoyulacaq. Xalq əgər bu adı qoymaq istəyirsə mən birproblem görmürəm. Amma gərək o adam bu adı doğrultsun. Ümumi vəətndaşlıq haqqlarına, qaydalara görə bu adın qoyulmasında heç bir problem yoxdur”.
